Komiteti Olimpik Ndërkombëtar (KON), ka nderuar ish-presidentin e Komitetit Olimpik të Kosovës, Besim Hasani, me çmimin “Urdhri Olimpik” (Olympic Order).

Çmimin Hasanit ia ka ndarë presidenti i Komitetit Olimpik Ndërkombëtar, Thomas Bach, në ceremoninë “IOC Golden Rings Awards”, që u mbajt sonte në Shtëpinë Olimpike në Lozanë të Zvicrës.

Ish presidentit të KOK-ut, çmimi i është ndarë për kontributin e dhënë në promovimin e vlerave olimpike në Kosovë. Ai kishte udhëhequr Lëvizjen Olimpike në Kosovë për 25 vjet nga viti 1996 deri në vitin 2021.

Një çmim të tillë KON e ndanë që nga viti 1975, ndërsa u jepet personaliteteve që kanë dhënë kontribut në Lëvizjen Olimpike.

Ndryshe, Hasani është edhe kryetar i Federatës së Kërlingut të Kosovës.

Urdhri Olimpik është vlerësimi më i lartë në Lëvizjen Olimpike ndërkombëtare dhe jepet nga CIO, për merita dhe kontribut të jashtëzakonshem në Levizjen Olimpike dhe në sport./arbresh.info/